REGISTRES DU BUREAU

[i 568]

CX.---- A CAUSE DES OBSEQUES ET FUNERAILLES DE LA FEUE REINE D'ESPAGNE.

a3 octobre 1568. (Fol. 123 r°.)

k #e par les Prevost des Marchans et Eschevins de la ville de Paris.

b Monsieur le Premier President, plaise vous trouver demain, deux heures de rellevée, et lundy prochain, sept heures du malin, en l'Hostel de ceste Ville, pour nous acompaigner aux obsecques et funerailles de la feue Royne d'Espaigne ⁽¹⁾, qui se feront en l'eglise de Paris; vous priant n'y voulloir faillir.

"Faict au Bureau de lad. Ville, led, xxm^e Octobre oudict an.

"Les Prevost des Marchans et Eschevins de la ville de Paris, tous vostres.n

Pareilz mandemens ont esté envoiez à mess" les autres Conseillers de lad. Ville.

Suivant le present mandement, sont venuz au Bureau et Hostel de ladicte Ville bon nombre desd, s™ Prevost des Marchans,Eschevins et Conseillers pour l'effect dessusdict. Lesquelz, led. jour de dimanche et le lundy, èsd. heures, sont allez en leurs robbes ordinaires en lad. eglise Nostre Dame aux Vigilles, service, obsecques et funerailles de ladicte dame, ainsy qu'il est acoustumé faire en tel cas; où iceulx s" Prevost des Marchans, Eschevins et Conseillers ont assisté, estans assis ès haultes chaizes du costé de lad. eglise.

CXI. — Pour faire exhiber les quittances du paiement des taxes pour les 3oo,ooo livres.

25 octobre 1568. (Fol. 123 v°.)

"De par le Roy el les Prevost des Marchans et Eschevins de la ville de Paris. k Vous, le premier sergent ou archer de la Ville sur ce requis, allez presentement en toutes les maisons des bourgeois du quartier de sire Nicolas Paulmier, ausquelz vous ferez commandement de par le Roy de exhiber et communicquer les quictances du paiement qu'ilz ont faict de la taxe à laquelle ilz ont esté cottizés, pour le don des ni^c mil livres. Et à faillie de ce, il vous est enjoinct de y laisser et establir garnisons, ausquelz il est très expressement inhibé et deffendu d'en sortir, jusques à l'entier payement desdictes cottizations et communicquation de quictence, suivant le très exprès commandement du Roy. Et s'il se treuve des maisons ou chambres fermées, il vous est permis faire faire ouverture, appellé aveq vous le cappitaine ou dixinier de la dixaine, et deux bourgeois, el vous saisir des biens meubles que vous trouverrez, jusques à la concurrance de la somme à

quoy la taxe se montera, et serez payez de voz sallaires raisonnables. De ce faire vous avons donné et donnons pouvoir et authorité.

"Faict au Bureau de la Ville, lexxv°jour d'Octobre

M. V^e LXVIII, n

" #e par les Prevost des Marchans et Eschevins de la ville de Paris.

k Vous, Philbert Bourlon, Quartenier delad. Ville, faictes presentement accompaigner par voz cinquan-" teniers ou dixiniers môns^r le Prevost de l'Hostel ou ses Lieutenans, avecq ses archers que le Roy a ordonné estre establiz et mis en garnisons aux bourgeois de vostre quartier qui n'ont payé les taxes auxquelles ilz ont esté cottizés, pour le don des m^cmil livres. Et n'y faictes faulte, sur peine d'en respondre en vostre propre et privé nom.

"Faict au Bureau de lad. Ville, le xxv Octobre oudict an. n

⁽¹⁾ Elisabeth de France, fille de Henri II et de Catherine de Médicis, née à Fontainebleau, Ie vendredi 2 avril i545, avait épousé Philippe II, roi d'Espagne, le 22 juin 1559, ^aP^r-^s avoir été promise à son fils don Carlos. Elle mourut en couches à Madrid, le dimanche 3 octobre 1568 ; son corps fut déposé au monastère royal de l'Escurial, le 8 juin 1573. Certains historiens ont rattaché cette mort à celle de don Carlos (voir ci-dessus, p. 56, note 4) et ont accusé le Roi catholique de n'y être pas resté étranger, par jalousie et à cause du soupçon qu'il aurait conçu sur les sentiments de son fils pour la Reine, qui avait été sa fiancée. Le Roi de France fut instruit de ce fatal événement, le 19 octobre, par l'ambassadeur d'Espagne, "dont il y eust de grands douleurs et lamentations).. (Brulart, Journal cité, p. 197-) Le service eut lieu le dimanche a4 et le lundi 25. La longue relation qu'en a tracée le greffier du Parlement (Reg. du Conseil, X¹* 1624, fol. 265-267) a été publiée en partie par dom Félibien, Histoire de la ville de Paris, t. IV (Preuves, t. II), p. 827. Le Registre capitulaire se contente d'annoncer cet événement en quelques lignes. (Archives nat., LL, 2 58, p. 885.)